Google направи виртуелна тура низ Версај

Фотограметриа е технологија на добивање веродостојни квантитативни информации за физички објекти во просторот, преку процес на бележење, мерење, анализирање и интерпретација на фотографски снимки и прикази на електромагнетно зрачење добиени со сензорски системи.

Google Arts and Culture ги здружиле силите со Версајскиот дворец, токму преку оваа техника да можат на виртуелните посетители да им овозможат тура низ кралската резиденција на Луј XIV.
За потребите за реализација на апликацијата Versailles VR, Google собрал преку 4 TB податоци со околу милијарда пиксели, што претставува најголем проект од овој вид. Благодарение на фотограметриата претставена е тура низ 21 просторија со вкупна површина од 46.450 квадратни метри.

Виртуелната тура можете да ја започнете овде:

Благодарение на оваа виртуелна обиколка, набљудувачите ќе можат да ги видат грандиозните одаи на Луј XIV, капели, операта, салата со огледала, уметничките дела и тоа до најситни детали.