Google го отвори првиот малопродажен објект заснован на невроестетика

На аголот од 15-та улица и Деветтата авенија, во поранешната зграда на администрацијата во пристаништето, отворен е Google Store, чиј проект е потпишан од архитектонското студио Reddymade.

Внатрешноста на големиот арт деко простор сега е исполнет со мебел од плута и рециклирани материјали, а преку големи застаклени делови од фасадата може да се види влезот на популарниот пазар на Челси, кој се наоѓа спроти улицата.

За време на развојот на проектот, архитектите од Reddymade соработувале со Ајви Рос, потпретседател за дизајн на Гугл Хардвер, за да создадат ефективно искуство во трговијата на мало засновано на нивната соработка воспоставена за време на Salone del Mobile 2019.

Елементите на изложбата „A Space For Being“, вклучително и основните принципи на невроестетиката, гранка на науката што испитува како визуелната естетика може да влијае на нашите тела и умови, биле основа за развој на дизајнот на продавницата, пишува Dezeen. Благодарение на ваквата визуелна естетика на просторот, се претпоставува дека посетителите ќе купат повеќе.

За малопродажниот простор избрани се топли и тактилни материјали како што се дрвени облоги и мебел од плута од Даниел Михалик, со цел да се создаде пријатна атмосфера.

Веднаш до влезната зона, има екструдирани стаклени цевки, инсталирани меѓу подот и таванот, кои служат за развој на имагинацијата, со која посетителите се поканети да комуницираат со производите и технологиите на Google.

Идејата била „да се разбуди љубопитството кај децата преку презентираната технологија и дигиталните иновации“.

Различни екрани на производи се поврзани со црна метална линија, а над централниот кружен пулт има неонски ореол со натпис „Here to help“.

Во просторот организирани се места за седење на купче за клиентите да за одморат или додека чекаат да ги добијат потребните совети во врска со производот.

Изложбените кутии се поставени долж стаклената фасада, така што минувачите на улица исто така можат да комуницираат со производите на Google.

Многу материјали во внатрешноста се избрани заради нивните одржливи карактеристики, што придонесува за проектот да се постигне сертификат LEED Platinum. Ова вклучува подови направени од 100 отсто рециклиран фабрички отпад од шведската компанија „Болон“, како и звучни панели со филц финиш направен од 100 отсто рециклирана ПЕТ-пластика.