Голема изложба посветена на Ван Гог и Едвард Мунк се спрема во Амстердам

Во Музејот на Ван Гог во Амстердам ќе биде отворена изложба на која ќе бидат претставени дела на на едни од најзначајните уметници во историјата на ликовната уметност, Ван Гог и Едвард Мунк.

На изложбата ќе бидат поставени исклучителни дела од двајцата сликари, а многу од нив првпат ќе бидат изложени пред јавноста. И покрај многуте сличности меѓу Мунк и Ван Гог, никогаш досега делата на овие двајца сликари не биле претставени на заедничка изложба.

Изложбата се концентрира на уметничките афинитети на двајцата генијални сликари, чии амбиции и творештво имаат неверојатна сличност – двајцата се познати по емотивно силните слики цртежи, по уникатниот и иновативен стил и по психолошки тешките животни моменти.

И двајца ја модернизирале уметноста и развиле високо индивидуален, експресивен визуелен јазик во кој се преточени универзалните човечки емоции.

Изложбата во Амстердам претставува единствена можност на едно место да се видат ремек-делата на двајцата сликари.