Гевгелија ќе добие пречистителна станица за отпадни води

Швајцарската компанија „Фела Планунгс АГ“ (Fela Planungs AG) и грчкиот конзорциум „Месогеос“ (Mesogeos) ќе бидат изведувачи на пречистителната станица за отпадни води во Гевгелија. Проектот што е од исклучително значење  за заштита на животната средина е  со вредност од 9,6 милиони евра, и ќе започне со реализација во јуни годинава, по потпишувањето на официјалниот договор помеѓу инвеститорите и изведувачите на работите. Во делот на изградбата на пречистителната станица како прва фаза од проектот, работите ќе ги изведува швајцарската „Фела Планунгс АГ“ преку обезбедените финансиски средства од Швајцарската агенција за развој.