Германска иновација – салата одгледувана во шише

Градинарските инжинери Даниел Бром и Нико Домурат од Дрезден во германската покраина Саксонија се изумители на „Салатата од шише“. „Сметавме дека треба да развиеме систем кој нема да го користат само големите градинарски фирми, значи оние со сопствени оранжерии, туку нешто што секој ќе може да го испроба дома и што функционира како што треба“, вели Даниел Бром. Својот производ го нарекоа Ботлкроп, односно растение од шише.Осум недели чекање и сѐ е готово. Салатата расте самa од себе и практично насекаде, а можеби наскоро ќе замине и на Mарс, како здрава храна за астронаутите. Двајцата изумители од Дрезден се во контакт со америкнската вселенска агенција НАСА уште од студентските денови.