Порта3 – градежништво, архитектура и екологија Порта3 – градежништво, архитектура и екологија
Група оператори на гасната мрежа во Германија, ги претстави плановите за завршување на изградбата на главната транспортна мрежа за водород до 2032 година, иако владата покажала слаб интерес за финансирање. Владата проценува дека до 2030 година, побарувачката на водород во производството на челик и во хемиските процеси ќе се удвои. Со користење на електрична енергија од обновливи извори, т.н „зелен“ водород е еколошки прифатлив и одржлива алтернатива на фосилните горива. Во Германија засега нема многу „зелен“ водород, но тој се повеќе добива на популарност. Но, како тој да се обезбеди и како да се транспортира е сериозен предизвик.
Според планот кој го претставиле германските оператори на гасната мрежа, голем дел од водородот би можел да се увезе од Холандија и Норвешка, додека северот на Германија кој е богат со енергија од обновливи извори, ќе може да произведува „зелен“ водород. Првата фаза е планирање на јадрото на водородната мрежа. Притоа, планирано е да се употреби околу 60% од постоечката гасна инфраструктура. Сепак, заокружувањето на правната регулатива која ќе ги дефинира моделите на финасирање останува еден од главните предизвици.
