Германија: Импресивна мрежа на автопати во водечката економија во Европа

Германската  мрежа на автопати (Autobahn), има вкупна должина од 12.949 километри во 2015 година, што ја вбројува меѓу нарразвиените и најдолги системи во светот. Подолга автопатска мрежа имаат само Кина (111.950 километри), САД (77.017 километри) и Шпанија (16.583 километри). Автопатската мрежа во Германија била доградувана и проширувана систематски во текот на повеќе децении.

Идејата за изградба на автопат за првпат се појавила уште во средината на 20тите години од минатиот век, во времето на Вајмарската република., но изградбата течела бавно притисната од економска криза и без политичка поддршка.  Првиот пат од ваков вид бил завршен во 1932 година помеѓу Келн и Бон, и бил отворен од страна на Конрад Аденауер (тогашен градоначалник на Келн а подоцнежен канцелар на Западна Германија).

По преземањето на власта од страна на нацистите во 1933, Хитлер започнал амбициозен проект за изградба на автопати преку кој до 1936 година биле директно вработени 100.000 лица. Неговиот министер за пропаганда  создал од овој проект главна медиумска атракција која  привлекла внимание и на меѓунатоден план. Веднаш по Втората светска војна, западна Германија извршила сериозна санација на автопатската мрежа, а во текот на 70тите години изградени се и нови делници. Некои делови пак, биле комплетирани дури по реунификацијата на Германија во 1990. Во табелата е дадена вкупната должина на автопатите во Германија по години.

Како резултат на развиената и модерна патна инфраструктура, во периодот од 1970 до 2010 година , бројот на сообраќајни несреќи се намалил за 80% (од 19.193 на 3.648), а бројот на жртви од сообраќајни несреќи на автопатите за истиот период се намалил од 945 на 430.

Колку развојот на патната инфраструктура влијаел на развојот на економијата на оваа земја, би било предмет на некоја посложена анализа, но не е тешко да се воочи зависноста.