„Гаспром“: Кризата во Заливот може сериозно да влијае врз глобалниот пазар на LNG

Кризата помеѓу Катар и неколкуте арапски земји би можела негативно да влијае на глобалниот пазар на течен природен гас (LNG – Liquefied Natural Gas), смета заменикот на извршниот директор на „Гаспром“ Александар Медведев. Тој во својата изјава во Москва, вели дека е прерано да се даваат попрецизни прогнози за можните сценарија.

Катар е еден од најважните светски извозници на LNG, а во 2016 година бил најголем извозник во светот на овој енергент. На второ место е Австралија, а трета е Малезија.