„Гаспром“ ќе гради термоцентрала кај Панчево

Нафтената индустрија на Србија (NIS)  потпиша договор со компанијата „Центеренергохолдинг“, која е дел од групацијата „Гаспром Енергохолдинг“, за основање на заедничка фирма за изградба на термоцентрала кај Панчево.

Договорот е потпишан на Меѓународниот економски форум во Санкт Петерсбург, а моќноста на централата треба да е во рангот од 140 до 208 MW.

Уделите во новата компанија ќе бидат во сооднос 51/49% во корист на рускиот партнер. Вредноста на проектот е 140 милиони евра. Термоцентралата како гориво ќе користи природен гас, и ќе ја снабдува со електрична енергија рафинеријата на NIS, додека остатокот ќе биде понуден на српскиот пазар на електрична енергија.