Футуристички здравствен центар во Дубаи

Kalbod Studio проектирале футуристички медицински центар сместен во дубаи. Станува збор за пловечки комплекс кој ги спојува најсовремените технологии со принципите на одржливоста, и ги прилагодува на социјалните и географските услови на локацијата. Овој остров се вика Dubai Healthcare City и поделен е на пет слоеви. Има свој подводен транспортен систем, а покрај објектите во кои се лекуваат пациентите, предвидени се и делови за едукација и истражување. Комплексот има облик на полумесечина, геометрија на култниот Бурџ ал Араб и верски елементи.

Покрај моношинскиот подводен транспорт и електричните автомобили, островот е ставен на располагање на пешаците. Комплексот има три зони. Во центарот се облакодерите со милион квадратни метри површина. Основата ја сочинуваат центрите за едукација, а делот во облик на полумесечина е предвиден за изложби, истражувања, научно – технолошки парк и библиотека. Потоа следуваат 14 кули во кои се сместени болниците, како и 24 хотели сместени симетрично на двата краја на островот. Сите објекти имаат тераси со изобилство од вегетација, а зградите се поврзани помеѓу себе со висечки патеки со зеленило кои овозможуваат прошетка долж островот на повеќе нивоа и прекрасен поглед на Дубаи и Персискиот залив.