Фотоволтаична фасада во боја за новото седиште на „Доктори без граници“

Организацијата „Доктори без граници“  (Médecins Sans Frontières) ја одбра фирмата  Steven Holl Architects  во соработка со Rüssli Architekten, за проектирање на новиот оперативен центар во Женева.  Победничкото решение е избрано на меѓународен конкурс, а се работи за иновативен фасаден систем од фотоволтаични модули во боја, што овозможува извонредна енергетска ефикасност и флексибилен работен простор з а250те вработени.

Проектот доби алтернативно име „Бои на хуманоста“, и фокусиран е на поттикнување на интеракција, работа во мали групи, како и поблиска комуникација преку малите простори за неформално дружење за време на паузите.

Фотоволтаичните панели освен на обвивката од објектот, ќе бидат поставени и на покривот каде исто така планирана е и градина. Фотоволтаиците ќе овозможат генерирање на енергија еквивалентна на 72% од потребите на објектот. Изведбата на овој проект е планирана за пролетта 2019.