Фотелјата Placo која изгледа како скулптура

Италијанскиот дизајнер, Bruno Rainaldi, остави свој белег во индустријата за дизајн на ентериери. Тој дизајнирал голем број на интензивни и иконични парчиња, вклучувајќи ја и елегантната Placo Armchair фотелја за компанијата Mussi.

Фотелјата Placo е дизајнирана како уметничко парче, кое во секој простор повеќе ќе делува како скулптура отколку парче мебел. Поседува бело, ергономсло седиште, поставено на црна рамка, комбинација која е минималистичка, но визуелно привлечна и удобна.

Обвиткана е со конзолна рамка од никлуван челик, прекриен со махагони, цилиндричното челично седиште и наслон опремени се со пружина со еластични ремени. Полнењето е од полиуретанска пена, а седењето е тапацирано е со кожа или ткаенина.

Фотелјата Placo е прилагодлива и станува главен детал на секој простор во кој ќе се најде, а нејзината цена изнесува 4.990 евра.