Foster + Partners започнаа изградба на највисоката зграда во Полска

“Varso Tower” дело на компанијата Foster + Partners, започна да се гради во Варшава во рамките на поголемиот Varso комплекс, и по завршувањето ќе биде највисоката зграда во Полска. Целиот комплекс вклучува уште три згради.

Највоската зграда во Полска ќе има 53 ката, височина од 310 метри и вкупна површина од 140.000 метри квадратни. Кулата се очекува да стане центар за деловни активности, резиденцијална намена и за туристи бидејќи ќе вклучува и ресторани, продавници и кафетерии.

Видиковецот на 230 метри ќе биде еден од највисоките во Европа. Од тука ќе може да се доживее прекрасна панорама на Варшава. Комплескот е лоциран во близина на железничката станица во Варшава и ќе биде вистинско освежување за целиот кварт.