Ферари е хакиран и одбива да плати откуп

Италијанската компанија минатата недела објави дека била жртва на „сајбер инцидент“ во кој трета страна добила пристап до податоците на нивните клиенти. Како тоа да не е доволно, производителот на автомобили објави и дека хакерите сега бараат откуп за информацииите, пари што самата компанија не е подготвена да ги плати.

Ферари ги извести клиентите за инцидентот на 20 март. Компанијата откри дека имињата на клиентите, поштенските адреси, адресите на е-пошта и телефонските броеви биле откриени за време на сајбер нападот. Меѓутоа, јасно стави до знаење дека информациите за плаќање и деталите за скапите спортски автомобили на купувачите не се откриени.

Ферари во соопштението рече дека соработува со властите за нарушувањето на безбедноста.

Во својата порака до клиентите, како и во соопштението објавено на својата веб-страница, Ферари вели дека нема да ги исполни барањата на хакерите. „Ферари не подлежи на откуп, бидејќи плаќањето на таквите барања ги финансира криминалните активности и им овозможува на изнудувачите да ги продолжат своите напади“, рече производителот на автомобили. „Наместо тоа, веруваме дека најдобриот начин на дејствување беше да ги известиме нашите клиенти за потенцијалната изложеност на податоците и природата на инцидентот..“

Меѓутоа, ова не е прва повреда на податоците што Ферари ја претрпе во последните месеци. Минатиот октомври брендот објави дека на интернет протеколе седум гигабајти интерни документи. Во тоа време, производителот на автомобили рече дека нема причина да верува дека бил жртва на сајбер напад, и покрај индициите дека е спротивно.

Повикувајќи се на истрагите што се во тек, Ферари засега одби да коментира дали двата инциденти можеби се поврзани.