Евтина дневна тарифа на струјата само за сиромашните

Ефтина дневна тарифа на електрична енергија може да им се обезбеди само на социјално ранливите категории,  а ваквата мерка не треба да трае подолго од две години, предупредува директорот на Секретаријатот на  Европската енергетска заедница, Јанез Копач.Тој додаде  дека трошоците за спроведување на мерката не смеат да бидат на товар на енергетските компании, туку ќе треба да се покријат со средства од јавниот буџет.

Европската енергетска заедница веќе има покренато две постапки против Македонија затоа што претходната Влада не ги испочитува обврските од договорот за Енергетска заедница. Претставките ќе бидат разгледувани на советот на министри на Европа до крајот на годинава. Земјава може да се соочи со санкции затоа што ја одложи либерализацијата на пазарот со струја за пет години. Во своето  изглагање  Копач со отворени забелешки кон Министерството за економија, односно Секторот за енергетика во ова министерство. Поради несоодветната екипираност, Министерството не може да одговори на поставените задачи, заклучи Копач.