Европска Комисија: 750 милиони евра во „чиста“ енергетска инфраструктура

Европската Комисија обезбедува 750 милиони евра за клучните европски енергетски инфраструктурни проекти, кои имаат големо влијание и за прекуграничната соработка. Оваа поддршка придонесува во остварување на приоритетите на енергетската политика на ЕК џс подобрување на енергетската сигурност, истовремено обезбедувајќи им на потрошувачите поголем избор, но и овозможувајќи поголем економски раст.

Европскиот енергетски систем забрзано се движи кон декарбонизација и дигитализација. „Европската енергетска транзиција е во тек, со рекордно ниво на обновлива енергија и сериозно намалување на трошоците за енергија. Енергетската инфраструктура во Европа мора да се развива во иста насока и со иста брзина, за да ги постигне зацртаните цели“, велат од Европската Комисија.