Европа создава единствен пазар на електрична енергија

Од вторникот електроенергетските мрежи и берзи на државите од Јужна и Северозападна Европа се поврзани, со што се покриени околу 70% од потрошувачите. Се работи за сериозен исчекор кон интегрирано определување на цените на електричната енергија и намалување на ризиците поврзани со снабдувањето.„Тоа ќе им користи на крајните потрошувачи бидејќи поради подобра координација помеѓу берзите на енергија ќе се зголеми ефикасноста на користењето на електроенергетските системи и прекуграничната инфраструктура“, се наведува во соопшението на мрежните оператори.