ЕУ: Со Законот за климата, нултата емисија до 2050 станува правно обврзувачка

Претседателот на Европската комисија, Урсула фон дер Лејен, изјавила дека Европскиот закон за климата претставува правен израз на политичката определба на Унијата во врска со постигнувањето на нулта емисија на CO2 до 2050 година, и дефинитивно го трасира патот кон одржлива иднина.  Целта на Европа е да стане првиот јаглеродно неутрален континент до 205о година, и тоа претставува основа на „Европскиот зелен договор“.

Законот за климата исто така предвидува проверки за напредокот на секои пет години, почнувајќи од септември 2023 години, и предлага дефинирање на плановите за намалување на емисиите на стакленички гасови на ниво на целата Европска унија за периодот од 2030 до 2050 година.