ЕУ со нова идеја за амбалажа за храната: Дали ќе биде подобра за животната средина?

„Пакувањата за повеќекратна употреба би можеле да произведат помалку емисии на штетни гасови од оние за еднократна употреба, се додека системите за собирање, враќање и миење ефикасни“, покажало неодамнешното истражување кое доаѓа во екот на борбата околу пакувањата за повеќекратна употреба во нацртот на Уредбата на ЕУ за амбалажа и амбалажен отпад (PPVR), чија цел е до 2030 година, целокупната амбалажа да се рециклира и повторно да се употребува.

Законот кој Европската комисија го претстави во ноември минатата година, исто така воведува цели од 20% и 10% од амбалажата за храна и пијалоци за носење, да бидат соодветни за повеќекратна употреба. Но, додека ова наидува на поддршка од страна ан еколошките организации и левите групи во ЕУ парламентот,  има и доста скептици кои првенствено доаѓаат од индустријата за храна. „Отклучувањето на потенцијалот за пакувања за повеќекратна употреба лежи во изработка на систем кој ќе ги оптимира сите процеси – од дизајн до крајот на животниот век“, велат од Relup, непрофитна организација која работи на трансформација во циркуларна економија.