ЕУ: Расте бројот на продадени електрични возила

Европјаните се повеќе купуваат електрични автомобли, покажуваат податоците на европското здружение на производители на автомобили. Во првиот квартал на оваа година, на подрачјето на ЕУ е забележан раст на продажбата на електрични и хибридни автомобили за 8,8% во споредба со истиот период минатата година, и вкупно се регистрирани 144.421 зелени возила, што е скромен број во споредба со вкупниот број регистрирани возила во ЕУ. Во првиот квартал на оваа година нивниот вкупен број е 3,5 милиони.

Бројот на електрични возила низ улиците во ЕУ се удвои и покрај приговорите дека нема доволна покриеност на улиците со станици за полнење и непостоење на субвенции во некои земји за купување на вакви возила. Најголем пораст на продажбата на електрични возила е забележен во Велика Британија (64%), Франција (34%), Италија (18%) и Германија (11%).