ЕУ ќе им плаќа на хрватските рибари да не ловат риба

Брисел во втората половина на годината на хрватските рибари ќе им понуди можност да ја напуштат својата работа, а притоа ќе им исплати паричен надомест за бродот и за рибарската дозвола, пренесуваат хрватските медиуми. Се работи за т.н “scraping“, долгогодишна практика во Европската Унија, со кој се настојува да се намали националната рибарска флота и да се зачува загрозениот рибен фонд.

За дел од рибарите тоа е почеток на крајот за риболовната флота и долгогодишната традиција, додека пак дел од нив се прилично заинтересирани за оваа можност, бидејќи работата им станува се потешка и потешка. Првите конкурси за откуп на бродовите, надлежните ги најавуваат за крајот на годината, а до тогаш јасно ќе бидат утврдени условите. Драстично намалување на рибарската флота нема да има бидејќи средствата за спроведување на програмата се ограничени.