Етиопија ја гради најголемата брана во Африка

Плановите на Етиопија да ја изгради најголемата брана во Африка, веројатно ќе означат пресврт во понатамошниот економски развој на земјата, која има една од најбрзорастечките економии базирана на производството на нафта. Се работи за хидроцентрала на Нил, на границата со Судан, чија  инсталирана моќност е 6.000 MW, а вредноста на самата инвестиција се проценува на четири милијарди долари. Изградбата на овој објект од самиот почеток е следена од низа контроверзи, бидејќи Египет изрази сериозна загриженост за влијанието врз животната средина и социјалните импликации на овој проект. Сега веќе е доцна за компромиси бидејќи 8.500 работници работат на објектот по 24 часа дневно. Една третина од браната е веќе завршена.