Естетски смело обликуван стан во Белград

Проектот „Апартман СС“ подразбира детална адаптација на стан лоциран на Баново Брдо во Белград, во станбена зграда од 60-тите години на минатиот век. Работите траеле речиси една година и вклучувале проектирање, надзор на изведбата и дизајн на мебел. Архитектицата Сара Димитријевиќ, автор на проектот, ја доби наградата на 41-от салон за архитектура во Белград во категоријата „Ентериер“, кој се одржа минатата година.

Клиент е млада кореографка, чија желба била да го трансформира запоставениот и старомоден стан, речиси непроменет од времето кога е изграден, во силно персонализиран, модерен и естетски смело обликуван амбиент за живеење.

Функционалните барања биле на релативно мала површина, од 51 метар квадратен, да се постави влезен хол со гардероба, кујна со кујнски остров и трпезарија, спална соба со просторија за шминкање и гардеробер и дневна соба.

Така, оригиналниот простор на кујната и трпезаријата станале спална соба со просторија за шминкање, а кујнската оставата е претворена во гардероба. На овој начин е заокружена интимната ноќна зона. Бањата ја задржала позицијата, но проширена е и поделена на две зони: утилити со тоалет и зона со туш и мијалник. Некогаш дневната соба ориентирана кон исток, станала кујна со трпезарија, а западно ориентираната спалната соба станала дневна соба.

Користењето на двострана ориентација на станот, што овозможува негово согледување во ширина и максимално осветлување, постигнато е со отстранување или застаклување на внатрешните врати и sидови.

Секоја соба е третирана како посебна амбиентална целина, што го става посетителот во возбудлива улога на патник низ непознати пејзажи на тактилност, чувства, илузии, рефлексии и асоцијации.

Како што наведува Сара Димитријевиќ, инспирацијаи биле филмовите, Blue Velvet (D.Lynch), Dreams (A.Kurosawa) и архитектите Acne Studios (Christian Halleröd Design) и Јоже Плечник (Факултет за архитектура Љубљана).