Есенските градини ве канат на (заслужен) одмор и опуштње

Што друго можете да направите за вашата градина за време на есента? За почеток, заменете ги летните растенија со уморен изглед со есенски украсни треви кои се идеални сопатици во текот на постудените есенски денови. Доколку сте љубители на зеленчук и имате насади, сега е вистинско време да распоредите тикви и тиквички, а со суви стебленца од пченка да декорирате столбови, светилки или куќички за птици.

И не заборавајте да се забавувате. Исечете гранчиња онака како што одговараат на вашиот простор или едноставно користете надворешен есенски декор за да ја декорирате вашата трпезариска маса и да уживате во сезонска боја.

Почастете ја вашата градина со малку оган. И не, не мора нужно да е скара. Едно убаво ложиште опкружено со столици или мала преносна огнена чинија може да биде идеален придружник во студените есенски вечери. Поставете го огнот на терасата или во дворот, или во секој случај каде што веќе има место за седење. Најдете време да се соберете со семејството и пријателите и да се потсетите на летните авантури.

Посетете и некој локален расадник и засадете нови примероци што е можно поскоро и добро залевајте ги додека не влезат во состојба на мирување.

Сега, кога времето е поладно, вистинско време е да се поделат и преместат повеќегодишните растенија. Направете го тоа барем неколку недели пред првиот мраз за да им дадете на растенијата време да се опорават од шокот и да создадат нови корени.

Есента е исто така време да се садење луковици кои цветаат на пролет. Засадете миризливи цвеќиња како нарциси или зумбули во близина на влезот во вашиот дом каде најмногу ќе уживате во мирисот.

Избришете го мебелот за вашата градина и уредете ја терасата за секогаш да имате место каде да испиете шолја кафе или топол чај. Исчистете ја вишокот нечистотија од градинарскиот алат и металните делови премачјакте ги со уље за да спречите ‘рѓа. Чувајте ги алатките на ладно и суво место. Раздвојте ги цревата и покријте ги заедно со славините со добар изолационен материјал за да не замрзнат во наредните денови.

И за крај – излезете во вашата есенска градина и земете длабоко здив. Време е за опуштање и уживање.