Ентериер на ресторан инспирирана од носталгични видео игри

На самиот почеток на развојот на проектот, клиентите им рекле на архитектите од јапонско-виетнамската компанија 07BEACH дека новиот ресторан за нудли во Окинава ќе се вика Kaishin No Ichigeki и им дале слобода да го проектираат ентериерот според тоа име.

Имено, името на овој ресторан е карактеристична фраза од познатата стара RPG (role-playing game), која многумина ги потсетува на носталгични видео игри, кои се исцртани со точки, ниска резолуција и единствено препознатливи.

Сепак, иако примарната инспирација потекнува од светот на гејмингот, за атмосферата да не биде премногу детинеста, ентериерот е донекаде апстрактно дизајниран.

Применетите материјалите на објектот се вообичаени и евтини, како што се едноставни плочки, цемент и текстилни подни плочи, објаснуваат архитектите за ArchDaily.

Иако би можело да се каже дека ентериер инспириран од видео игрите стана клише, комбинацијата и облиците на овие обични материјали го прават овој простор единствен и несекојдневен.

Имено, ѕидовите се покриени со брановидна шема слична на јуфките кои се користат за подготовка на нудли, благодарение на примена на плочки на сив малтер.

Јапонскиот збор „つけめん“ („Tsukemen“), кој е израз за потопување нудли, претставува лајтмотив на овој простор, кој може да се види на рекламната табла, каде што зборот е изведен со помош на жолти коцки со „пикселизиран“ метод.

Клиентите исто така имале барање да се избегне ситуацијата многу зачини да прават неред на масите, а архитектите осмислиле секој зачин да биде додаток што го собирате во играта и што можете да го ставите во постоље што ги собира сите на средина на масата.

Просторот за седење наменет за поголеми групи проектиран е така да изгледа како замок за игра и тоа со ниски ободни ѕидови кои би го спречиле евентуалниот пад на децата, а истовремено би создале чувство на приватност во таа зона.

Може да се каже дека – откако е одредена примарната насока на дизајнот инспириран од играта – дизајнирање на секој елемент од ентериерот посебно, довело до единствена атмосфера во просторот.