Енергетско ефикасно училиште во Лондон

Основното училиште Ashmount во Лондон е едно од ретките училишта во светот кои се енергетски ефикасни и истовремено произведуваат енргија за околните објекти. Дизајнирано од Penoyre & Prasad, ова училиште претставува објект кој е прогласен за еден од најдобрите архитектонски проекти во Англија поради што и ја добива наградата Royal Institute of British Architects awards 2015. Објектот е лоциран во северниот дел на Лондон во еколошки богат предел.

Енергетски ефикасни карактеристики кои ги поседува се максимизирање на дневна светлина, со што се намалува користењето на енергија за осветлување. Потоа употребата на ниско енергетски вентилациски систем, високо ниво на изолација, користење на рециклирани градежни материјали за изградба на конструкцијата, односно дури 90 проценти од отпадот на локацијата бил рециклиран и употребен.