Енергетскиот пазар во Мексико се отвора за странски компании

Мексико донесе одлука за отворање на енергетскиот сектор, кој се соочува со проблеми и покрај сериозните резерви на нафта и гас. Со овој потег приватните и странските компании ќе можат со подеднакви шанси да се натпреваруваат на енергетскиот пазар. Претседателот Енрике Пена Нието потпиша серија закони што се дел од реформата на енергетскиот сектор на земјата, што е клучен за националната економија. Овие реформи  имаат за цел привлекување странски инвестиции во нафтената и индустријата за преработка на гас, како и во секторот за дистрибуција на електрична енергија, што се соочуваат со сериозни проблеми.