Енергетскиот гигант „Vattenfall“ ќе користи само електрични возила

Шведската енергетска компанија “Vattenfall” планира да го замени целиот свој возен парк и  да користи исклучиво електрични возила. Оваа државна компанија објави дека над 3.500 автомобили од својата флота во Шведска (1700), Холандија (750) и Германија (1100) ќе ги замени со електрични. Замената ќе се одвива постапно и ќе заврши најдоцна за пет години. Исто така, компанијата планира до 2050 година целокупното свое работење да го направи „карбон неутрално“ односно без емисии на стакленички гасови.