Енергетски независна расклоплива куќа

Студентите по архитектура од престижните универзитети во светот, често се истакнуваат со интересни и иновативни концепти. Еден од последните такви примери, креиран од студентите од Универзитетот во Калифорнија (Caltech), предизвика сериозно внимание. Се работи за куќата Dale (Dynamic Augmented Living Environment или во превод Динамички зголемена животна околина).

Концептот е инспириран од јужно-калифорниското време и природното опкружување и има модуларен облик. Куќата се состои од две подвижни целини со вкупна површина од околу 56 квадратни метри. Кога тие целини ќе се отворат и одвојат една од друга, вкупната површина на куќата изнесува неверојатни 167 квадратни метри. Сопственикот на куќата може на овој начин да ги користи топлите денови во текот на годината.

Освен неверојатната модуларност на просторот, оваа куќа спаѓа во категоријата “Net-Zero Energy” (куќи со нула енергија). Тоа значи дека на годишно ниво куќата сама ја произведува целата потребна енергија која треба да ја потроши. Фотоволтаиците на покривот се поставени под агол од 15 степени, со цел максимално да се искористи сончевата енергија. Фотоволтаиците се поставени на подвижни носачи, со што можат да послужат и како заштита од сонцето кога куќата е раздвоена.

Со помош на iOS апликација за iPad се котролираат функциите во куќата, односно потрошувачката на енергија. На пример, доколку надвор е топло и сончево, апликацијата ќе предложи куќата да се отвори за да се овозможи ладење по пат на природна вентилација.