Енергетски ефикасна куќа со целосно застаклен ѕид

Архитектот Barend Kolhas од бирото BK проектирал енергетски ефикасна куќа во Алмен, Холандија, со необичен триаголен концепт. Куќата е наречена по истоименото холандско село во кое е лоцирана, а проектирана е околу долг прозорец од подот до покривот, кој ги замаглува границите помеѓу внатрешноста и надворешноста. Овој стаклен ѕид не само што ја преплавува куќата со изобилство од природна светлина, туку пружа и прекрасен поглед кон чистите рурални предели.

Barend Kolhas работел за архитектонските бироа OMA и IDEO, пред да основа свое сопствено биро во Амстердам. Куќата во Алмен е проектирана околу еден од трите надворешни ѕида, кој е изработен во целост од стаклени панели. Главната спална соба на катот има бања која е вовлечена под косината на покривот, додека големиот надворешен светларник пружа погледи кон крошните на дрвјата. Иако овој дом е изграден со скромен буџет, тој успева да постигне високо ниво на енергетска ефикасност благодарение на извонредната изолација и применета рекуперација на отпадна топлина.