Елеганција и луксуз

Како што пред неколку дена констатиравме, еден луксузен дом може да се интерпретира на неколку начини, односно да биде китнест со истакнување на одредени елементи или да биде елегантен од повеќе аспекти.

Овој пример што ќе ви го презентираме е пример на луксузен стан кој е интерпретиран во елегантен стил, а истовремено ја задржува и гламурозната исполнетост од претходниот пример.

Во овој стан, во дневната соба се поставени луксузните дизајнерски парчиња мебел кои му даваат на просторот голема доза на гламурозност и богат изглед. Спектакуларната библиотека на челнио ѕид го исполнува просторот и го сокрива телевизорот позади црната мат плоча.

Во станот може да се забележат голем број убави и гламурозни детали кои му даваат на овој простор голема доза на луксуз.

Исто така, во овој дом се користени голем број на природни материјали кои често кај обичните станови се заменуваат со нивни копии. Токму ваквата употреба на „вистински“ материјали му даваат поголема тежина на овој простор.