Елегантен мостовски лак во австриските планини

Како втор во серијата од три мостови, компанијата Marte Marte Architekten го завршуваат и мостот именуван  “Schaufelschlucht” низ планискиот пат во западниот дел на Австрија. Изработен од монолитен бетон составен од кривулести геометрии како одраз на структурните сили кои ги презема и контурите на земјиштето, се протега 16,5 метри долж еден поток кој тече во клисура. Лакот се издига од карпестиот рид на својата поотворена страна за да дојде до краток тунел.

“Schaufelschlucht” се наоѓа на патот помеѓу поголемиот град Дорнбир и малото планинско гратче Ебнит. Овој конзистентен пристап отпочна со првиот од трилогијата на инфраструктурни мостови наречен “Schanerloch”. Во двете сценарија, употребата на бетон создава чувство на стабилност и постојаност, со тонски и текстурални карактеристики слични на карпестите сегменти на кои лежат мостовите.

Широчината на мостот изнесува во просек пет метри, некаде проширувајќи се до 6,5 метри со минимална дебелина на армирано-бетонскиот лак од 50 сантиметри. Градежните трошоци за изведба чинат околу 450.000 €.