Порта3 – градежништво, архитектура и екологија Порта3 – градежништво, архитектура и екологија
Како со надградба на контејнери со рециклирани материјали е направен еден еколошки дом.
Модуларните единици се направени со приклучување на стандардни контејнери, па така е добиена станбена област со пријатни 60 квадратни метри.
Модуларните капацитети за социјално домување треба да бидат поволни за изградба, додека нивното влијание врз животната средина ќе биде релативно мало. Оваа идеја ја предводеше архитектонскaта фирма TRS Студио која го потпишува проектот за оваа модуларна куќа, чија изградба е врз основа на употреба на контејнери. Овие станбени единици, формирани во Перу, позитивно влијаат врз развојот на локалната заедница.
Модуларните единици се направени со приклучување кон стандардни контејнери за изградба, така што тие добиле простор за живеење од пријатни 60 квадратни метри, а просторот е организиран на две нивоа.
Во првото се наоѓа кујна, трпезарија и дневна соба со двојна спратна висина, додека на горниот кат се спалната и работната соба и бањата.
Изборот на материјализација е еден од клучните моменти во развојот на проектот. Во голема мера се користени рециклирани OSB панели, кои како ефективни, еколошки материјал имаат карактеристики на добра отпорност на деформација, и обезбедува добра термичка и звучна изолација.
Во комбинација со OSB плочи, користени се рециклирани транспарентни поликарбонатни плочи, со долг животен век од 20 години. Овој материјал има висока отпорност на различни временски услови и температурни варијации, и поради својата транспарентност е погодна за формирање на ѕидови и покриви.
Дел од ѕидовите, како и целокупната површина на покривот се целосно транспарентни, што влијае на чувството на пространост во внатрешноста, но на овој начин исто така е предвидено значителен износ на природна светлина. Проектот е наменет за животот на едно четиричлено семејство, каде што просториите едноставно можат да ја променат нивната цел во зависност од нивните сегашни потреби.
Во рамките на проектот е проектирана површина од 18 квадратни метри, која може да биде во функција на рекреација или да стане градина.
