Еколошки билборд

Јапонската компанија за производство на козметички препарати „Shokubutsi Hana“ дизајнираше единствен уникатен билборд со должина од околу 90 метри поставен во реката Пасиг во Манила, главниот град на Филипините.

Билбордот е направен од специфични растенија и материјали кои имаат капацитет да филтрираат до 8000 литри вода на ден. Целта на компанијата е преку сопствената реклама да ја прикажат моќта на природата.
Ова не е првпат на Филипините да се појави ваков начин на промоција на големите комапнии. Во минатото „Кока Кола“ презентираше 60-метарски билборд, чија цел беше прочистување на воздухот.