„Екокоцка“ како решение за отпадот од храна

Во густо населените градови како Хонг Конг се создаваат огромни количини на отпад. Многу поединци и компании станаа свесни за важноста на рециклирањето, но една компанија отишла и чекор понатаму. Инженерот и основачот на компанијата Aubree  од Хонг Конг, создал уред за рециклирање на остатоците од храна.

Решението се вика „Екокоцка“, и  претставува еден посебен екосистем. „Екокоцката во суштина е еден одвоен екосистем. Во неа се наоѓаат инсекти чии ларви се хранат со остатоците од храна. Потоа со нив се хранат рибите“, објаснува креаторот на овој иновативен концепт.

Сепак, досега во функција се наоѓаат само две екокоцки. Иако свеста за рециклирањето расте, изгледа сепак цената од 26000 долари е превисока.