Џорџтаун вели збогум на фосилните горива?

Американскиот град Џорџтаун, Тексас, вели збогум на фосилните горива. Локалната власт одлучи да се откаже од традиционалните извори на енергија, како јаглен и гас, и да се снабдува само со електрична енергија добиена од обновливи извори.

Властите најавија 25-годишен договор со SunEdison (една од најголемите компании во светот за обновлива енергија) за купување на 150 MW соларна енергија, како и 144 MW енергија од ветер до 2039 година Причините за оваа одлука се главно финансиски, а за целта ќе биде изграден соларен парк.

Градот брои околу 55.000 жители, а експертите пресметале дека 1 MW сончева енергија може да напојува најмногу 100 домаќинства во Тексас во најжешките летни денови. При поумерени температури оваа енергија ќе може да снабдува повеќе домаќинства.