Државата Њујорк го тужи „Пепси“ поради загадување со пластика

Компанијата „Пепси“ доби тужба од државата Њујорк поради загадување со пластика долж реката Бафало. Според тужбата, „Пепси“ е најголемиот индивидуален чинител за ова загадување. Компанијата „Пепси“ која освен познатиот пијалок е производител и на бројни други производи во пластична амбалажа, е втора по големина компанија за храна после Nestle.

Од државата Њујорк велат дека „Пепси“ ги крши законите кога станува збор за предупредувањето до јавноста за ризиците од пластичната амбалажа и промовира неточни ставови во врска со своите напори да се намали загадувањето. Од вкупно 1916 парчиња на отпадна пластична амбалажа пронајдени на 13 локации долж реката Бафало, над 17% биле од производи на „Пепси“. Во тужбата се вели дека честички од микропластика биле пронајдени во водата за пиење, посочувајќи на последиците врз јавното здравје кои ги има микропластиката.