Порта3 – градежништво, архитектура и екологија Порта3 – градежништво, архитектура и екологија
Дроновите имавме прилика да ги видиме во најразлични улоги, од трки, пренесување на пратки, па сè до користење во воени цели. Но, најновиот проект се чини дека отишол и чекор подалеку кога се работи за летечките машини.
Се работи за исклучително импресивен проект спроведен од страна на циришкиот Институт за динамични системи и контрола.
Проектот Aerial Construction со помош на циришкиот Институт за динамични системи и контрола успеа дроновите да ги искористи за изградба на мост.
Всушност, летечките квадрихоптери направија вистински функционален мост од јажиња долг 7.4 метри, а доволно издржлив за една личност да може да премине преку него.
Она што е уште поимпресивно е тоа што дроновите сето ова го направиле сами, примајќи ги командите преку бежичен пат од компјутер кој што ги пресметувал точните координати до кои што требале да летаат.
Сепак, постојат и две маани. Прва е дека дроновите не можат да изградат држачи за кои се прицврстуваат краевите на мостот, а втората е дека точните мерења мора да ги извршат самите луѓе.
Како изгледала изградбата на овој дрон погледнете во видео-записот во продолжение:
