Донесен Урбанистичкиот план за индустриската зона во Македонска Каменица

Подготвителните работи за изградба на индустриската зона во Општината Македонска Каменица се одвиваат според утврдената динамика.

Советот на општината го донесе деталниот урбанистички план со што се создадени предуслови за изградба на инфраструктурата во индустриската зона.

– Индустриската зона е лоцирана во непосредна близина на Македонска Каменица на површина од 10 хектари. Наменета е за лесна и незагадувачка индустрија, вели градоначакникот Дарко Митевски.

Тој изјави дека донесувањето на деталниот урбанистички план е овозможено да почне електрификацијата, изградбата на сообраќајниците, водоводот и канализацијата и другите работи од комуналната инфраструктура.