Dolce & Gabbana и Smeg креираа уметност од апаратите за домаќинство

Модната куќа Dolce & Gabbana и  италијанскиот производител на апарати за домаќинство Smeg, ги здружија силите со цел досадните апарати за домаќинство да ги претворат во уметност. Иако се занимаваат со различни дејности, компаниите негуваат љубов кон традицијата и вистинските вредности, па во комбинација со креативноста создале необична колекција на апарати за домаќинство.

Колекцијата ја сочинуваат: миксер, тостер, бокал, соковник, апарат за кафе и блендер. Апаратите се претставени на саемот во Милано. Оваа соработка меѓу двете компании не е новост. Претходно, тие заеднички дизајнирале фрижидер кој наводно се продавал за 30.000 фунти.

Во колекцијата Sicily is my Love доминираат јаки бои и традиционални мотиви од Сицилија. На секој апарат пишува Made in Italy и секој од нив е уникатен примерок. Колекцијата нема да биде во продажба до крајот на годината, а цените сеу ште не се објавени.