До комплетирање на автопатот низ Грделичка клисура уште само 1,5 километри

Работите на изведба на автопатот низ Грделичка клисура се одвиваат во полн ек. Од Министерството за градежништво, сообраќај и инфраструктура на Република Србија велат дека станува збор за еден од најтешките инфраструктурни проекти во Европа.  Вкупната должина на оваа делница е 26,3 километри, и има три големи клучки – Грделица, Предејане и Владичин Хан.

Во моментот на целата делница  активни се пет градилишта, а останува да се довршат уште само 1,5 километри од целокупната траса. Активно се работи на вкупно пет косини и опремување на тунелите. Се наведува дека тунелите се екипирани со најсовремена опрема со цел да се овозможи управување со сообраќајот од едно место.