До 2030 година треба да се рециклира 70% од комуналниот отпад

Европската комисија бара од земјите членки до 2030 година да започнат да рециклираат 70% од комуналниот и 80% од амбалажниот отпад, а веќе од 2025-та ќе биде забрането на депониите да се складира секаков отпад кој би можел да се рециклира. Овие цели се преамбициозни и за многу земји членки се чинат недостижни. Во оваа група е Хрватска која рециклира одвај 16%, понатаму Унгарија со 15% и Чешка со 14%. Но и во Велика Британија која во моментот рециклира 40% од отпадот, веќе се појави револт против оваа мерка.  За предлогот треба да одлучува Европскиот парламент.