Дизајнерски екстравагантен дом

Со локација во познатата Oriole област, во бараната Bird улица, оваа екстравагантна дизајнерска вила има совршен поглед на Лос Анџелес и беспрекорен луксуз. Сè што се наоѓа во оваа куќа е сведок на екстремно количество внимание посветено на детали во дизајнот и самата конструкција. Едноставните линии и отворени простори се истакнати со употреба на стаклените ѕидови, кои овозможуваат јасен премин помеѓу ентериер и екстериер, додека материјалите и погодностите во оваа куќа се олицетворение на луксузот. Мебелот, во ентериерот и екстериерот, приспособеното осветлување, врвните кујнски апарати, уметничките дела – нема ништо случајно, односно се е со цел за креирање на совршен амбиент.

Оваа куќа има пет спални соби и десет бањи, од кои „мастер бањата“ е најимпресивна, со неверојатен поглед на базенот и кањонот. Во рамките на овој дом се наоѓа во потполност опремена теретана, соба за масажа, вински подрум со бар и гаража за осум автомобили.