Десалинизација на морската вода со помош на сончева енергија

Агенцијата за интернационален развој на САД (USAID) ги објави победниците на Desal натпреварот што има за цел пронаоѓање на одржливо и евтино решение за десалинизација. Победник на натпреварот е тимот што го сочинуваат претставници на MIT и  Jain Irrigation Systems, кои за овој процес ги користат обновливите извори на енергија. Нивниот изум се состои од батерии кои се полнат со соларна енергија, а кои го придвижуваат системот за отстранување на солта од водата. Овој систем користи и UV светло кое од десалинизираната вода ги отстранува бактериите и така ја прави погодна за пиење.

Системот е наменет за подрачја кои немаат питка вода, а имаат голема количина сончева енергија и со успех е тестиран во Ново Мексико.