Comaru House во Бразил сокриена од погледите на соседите

Според проектот на бирото Raffo Arquitetura од Бразил, изградена е куќа од 372 квадратни метри, која со својот облик се прилагодува на локациските услови, но и на потребите на семејството кое живее во неа. Имено, објектот се наоѓа на карактеристично место каде погледите од соседната зграда би биле целосно неприфатливи за клиентите, па нејзината предна фасада е речиси целосно затворена. Меѓутоа, од другата страна, ситуацијата е сосема поинаква.

Идејата на архитектите била да се создаде претстава на отворена куќа со спорадични отвори на предната фасада, но на начин кој куќата успешно ќе ја крие од погледите на соседите.

Основната функција на објектот е организирана на приземјето и тоа така да се искористи изобилството на светлината во текот на целиот ден, но и да се искористи присуството на базенот. Горниот кат и подземниот кат се користат како ноќна зона, односно како гаража со технички простории.

„Конфигурацијата на куќата и положбата на зградата ја одсликуваат намерата на семејството со задоволство да ги пречека гостите, но во исто време сакаат да ја зачува приватност“, вели архитектот Lucas Raffo за ArchDaily.

Дрвото на оваа куќа и дава топлина, но и нејзиното име – Comaru House. Comaru е всушност бразилски тиково дрво кое е користено на фасади, подови, тавани, но и на мебел, со што се постигнува баланс на локалното, топлото, одржливото и удобното.

Големиот хоризонтален отвор на фасадата служи како еден вид голема природна светилка која ја осветлува дневната зона, овозможувајќи и на светлината да навлезе во внатрешноста на објектот во текот на денот, а во текот на ноќта ги нагласува контурите на куќата.