Casa Tilt, овозможува динамични изненадувачки простори

Со мошне динамичен дизајн бирото Atelier Mutant ја прави куќата Casa Tilt буквално да го навалува својот волумен за целосно да ги искористи предностите на локацијата со што се создава движење и се подобруваат социјалните области на домот внатре и надвор.

Архитектите го прифатиле предизвикот да го спроведат проектот за еднокатна куќа на локација во населба која се карактеризира со семејни куќи и станбени згради во португалското  градче Гондомар кое се наоѓа на седум километри од Порто.

Искористувајќи го фактот што локацијата излегува на две улици на различни нивоа, архитектонскиот тим ја поставил куќата на средно ниво, стратешки одвојувајќи ги пешаците од пристапот на возилата.

Концептуалната идеја го создала предлогот за Casa Tilt; карактеристичен по ротационо движење на волумените во три насоки што го формира социјалниот простор во куќата.

Ова движење овозможило да се дефинира главниот влез, а во исто време да се подобри просторот предвиден за тераса со базен, давајќи приватност во однос на карактеристичниот фреквентен сообраќај на улицата.

Движењето, исто така, овозможува динамична игра на височините на плафоните во домот и зголемување на просторот на дневната соба.

Проектната програма е имплементирана според главните точки, со посебно внимание на ротацијата на сонцето, така што просторот за спални соби е распореден на исток, кој гледа на пристапен пат со најмалку сообраќај и бучава и создавање на поинтимна страна на градината.

Вметнат во најјужниот дел од овој волумен, главниот апартман е директно поврзан со базенот.

Кујната е сместена во центарот на куќата, подобрувајќи ги различните односи со различните простории што ја сочинуваат програмата.

Поставена во централниот дел на локацијата, куќата има корист од сончевата светлост  од исток, југ и запад и им овозможува на станарите да имаат широк визуелен однос со нивната надворешна околина.

Внатрешните прегради стануваат поелегантни, поотворени, помалку наметливи за окото.

Двете тераси проектирани се на начин да се обезбеди приватност додека се одржува квалитетот на светлината внатре во куќата.

Со својот разиграно ротирање на локацијата, Casa Tilt е полна со изненадувачки простори и глетки – дури и сонцето се чини дека се забавува и дава прекрасни, разиграни сенки на фасадите на оваа куќа со грациозност и динамичност.