Casa Ponte хармонично се вклопува со околината на бразилските ридови

Архитектите од бразилското биро TETRO Architecture проектирале резиденција која хармонично се вклопува со околината на островот Florianópolis кој се наоѓа на јужниот брег на Бразил, каде што природата бујно се манифестира, особено низ морето и планините.

Наречена Casa Ponte, куќата од 1.000 квадратни метри се појавува како архитектонски израз кој ја надминува практичноста, а истовремено се обидува да реагира на околината на чувствителен начин.

Поради извонредното присуство на карпи среде морето, плажите на Florianópolis, кои можат да се пофалат со бел песок и кристално чисто море, не се слични на ниту едно друго место.

Три моста го поврзуваат островот, кој е оддалечен од брегот околу 800 метри. Најпознатиот мост е Hercílio Luz Bridge, кој го претставува Florianópolis откако е изграден.

Сместен на брегот на морето Cacupé, овој дом совршено се вклопува со околината. TETRO Architecture црпи инспирација од локалните карактеристики и природниот свет, а мостот и камењата во водата служат како главни извори на инспирација.

Методот за справување со сончевата светлина – кој вклучува големи, челични настрешници – ја нагласува потрагата по ефективност и убавина.

Со користење на челични и перфорирани плочи на подот на мостот и на балконите на куќата, ова решение не само што ги задоволува практичните потреби со намалување на ефектите од заоѓањето на сонцето, туку и суптилно го почитува мостот Hercílio Luz.

Два греди кои се издигнуваат од земјата и се потпираат на два столба може да се сметаат за главни конструктивни елементи на куќата. Овие греди служат и како основа за социјалните области и спалните простори.

Сместен на пониско ниво, базенот се протега кон морето додека надвиснува над две дополнителни простории. Во внатрешноста има природни камења кои алудираат на околината.

Внимателно планираното насочување на Casa Ponte кон запад нуди привилегиран поглед на континенталното море и величествените планини Serra Catarinense.

Ова позиционирање не само што ги користи предностите на живописната убавина на регионот, туку создава и уникатна атмосфера за жителите, кои се нурнати во прекрасни панорами кои се трансформираат во текот на денот.