Бугарија гради складиште за нуклеарен отпад

Бугарија започна со изградбата на складиште за нуклеарен отпад во близина на својата единствена нуклеарна централа на Дунав. Бугарската министерка Теменушка Петкова, за медиумите изјави дека проектор кај Козлодуј е „исклучително важен за развој на нуклеарната енергетика во Бугарија.“

Нуклаерниот отпад со ниска и средна радиоактивнот кој ќе биде складиран на тоа место, главно потекнува од затворените четири нуклеарни реактори. Бугарија ги затвори овие стари реактори во Козлодуј, од поранешно советско производство, заради безбедносни причини и затоа што нивното затворање беше еден од условите за прием на земјата во ЕУ во 2007 година.

Во Козлодуј, кој се наоѓа на Дунав, недалеку од тромеѓето со Романија и Србија, останаа два нуклеарни реактори исто така од советската ера. Се очекува новото складиште да започне да функционира од 2021 година. Фондот со кој управува Европската банка за обнова и развој (ЕБРД), го финансира овој проект со 73 милиони евра.