Будимпешта: Стоп за облакодерите

Унгарија воведува нова забрана која се однесува на изградбата на високи згради, со цел да го зачува хоризонтот во Будимпешта. Министерот Gergely Gulyás, неодамна изјавил дека оваа забрана ќе се влијае на сите нови згради во Будимпешта кои надминуваат 90 метри. Забранате нема да влијае и да ги ограничува оние проекти кои веќе добиле дозвола за градба, а тука спаѓа и MOL Campus Tower на компанијата Foster + Partners. Оваа висока зграда се гради во склоп на новото седиште на компанијата MOL. Кулата со височина од 120 метри е изземена од ова ограничување бидејќи претходно веќе добила дозвола за градење.  Gulyás најавил дека владата има намера да ја засили контролата над изградбата на високите згради, а споменатата забрана служи како прв чекор во овој план. Тој додал дека согласно релевантните прописи, зградите до 65 метри височина нема да имаат ограничувања поврзани со изградбата, додека зградите помеѓу 65 и 90 метри ќе бидат предмет на сложена постапка на испитување, која ќе ги зема во предвид и естетските критериуми. По стапувањето на сила на законот, нема да има простор за изградба на облакодери со височина поголема од 90 метри.. MOL Group е глобална компанија за нафта и гас со седиште во Унгарија. Foster + Partners ги обелоденија плановите поврзани со изградбата на кампусот и облакодерот на оваа компанија во јужниот дел на Будимпешта во 2017 година.

Кога ќе биде завршена, кулата ќе биде за 30 метри повисока од моментално највисоката зграда во градот Semmelweiss Medical University, која е висока 88 метри. Консолидирајќи го работењето на компанијата во Будимпешта на една локација, MOL Campus настојува да  ја зачува врската помеѓу животот и работата во урбани услови. Nigel Dancey, директорот на компанијата Foster + Partners вели : „Сведоци сме дека природата на работното место постојано се менува, па согласно тоа ги споивме кулата и базата во една единствена форма поврзана со природата“.