Порта3 – градежништво, архитектура и екологија Порта3 – градежништво, архитектура и екологија
Од првиот постојан мост на реката Дунав во Будимпешта отворен во 1849 година, изградени се уште неколку мостови во унгарскиот главен град, кои ги поврзале Будим и Пешта.
Сепак, преминувањето на реката во јужните делови на градот и пристапот до градското острово Чепел, остана доста проблематично и единствената врска е мостот Ракочи кој е доста оптеретен.
Затоа е распишан нов меѓународен тендер кој ги повикува учесниците да ја пополнат оваа празнина во јужниот дел на Будимпешта со нов мост преку Дунав.
Во согласност со тендерската документација, новиот мост на реката Дунав ќе ги спои улицата „Галвани“ во Будим со улицата „Илатос“ во Пешта преку островот Чепел.
Мостот ќе има три ленти за моторни возила во двете насоки, а долгорочната корист за град од оваа инвестиција е заживување на недоволно развиените подрачја.
Идејата за приклучување кон јужните делови на Будимпешта не е нова. Таа, всушност, постои одамна, но недостигот на финансиски средства не дозволувал да се реализира до сега. Организацијата KKBK, која е одговорна за големите проекти за развојот во Будимпешта, неодамна поканети 17 меѓународни компании да учествуваат во конкурсот, кој сега е во завршна фаза. Резултатите од конкурсот ќе бидат објавени на 19 април 2018 година.
Покрај тоа, што новиот мост ќе овозможи полесен пристап до островот Чепел, истиот, според пресметките, ќе го намали застојот на постојните мостови на 42.000 возила на ден и 8.000 возила на улицата Üllői – главната артерија на централното градско подрачје.
